Min Tag

Verse 1:
Jou i stoh am Morge uf nöd wenni en Wecker ghör
Fühl mi Fit uusgschloofe und guet, i schwör
I nimm mr Ziit mit Gott wills eifach super isch
Er macht mi starch, schenkt mr Muet, will er verliebt isch i miich
Laufe use bimer sicher swird en schöne Tag
Bin gspannt waser büted und verberge maag
Chum bini duss, legi Pause iih
Und gnüss de Moment willer eifach eimolig iisch
E wunderschöns Bild prägt sich i min Grind
Und ersch de Wind zeigt mr dasi stoohblibe bin
Aber weisch, i nimm mr Ziit für di schöne Sache uf de Welt
Will genau die, werded hüüfig überschattet vo dem Scheiss
Wo do dusse Tag für Tag passiert
Aber irgendwenn wirsch gseh chunt das alles wieder zrugg
Irgendwenn chunt das Lebe ohni Stress und Druck (haha)
Jo, ich schlendere wieter döt dStross dürab
Gseh Chinde umegumpe, hey die sind uf Trab
So voller Lebesfreud und Unbekümmertheit
Nimm mr sBiispiel ah ihne voller Dankbarkeit
Laufe wieter langsam richtig Fuessballplatz
Au do zeigi immer voller Körperiisatz
Ich sitze langsam ab und mach mrs do bequem
Jo, warte nuno do bisi dSunnestrahle gsehn

Verse 2:
Jow, wart no churz i blieb no churz do
Und loh die Sunnestrahle über mi goh
Sie wärmed so schö und erfülled mini Seel
Jo genau wie alli Beats vo mim Kumpel Raffael
Weisch Bum Bum Püff und Tschüss
I gang wieter uf mim Weg alle Lüüt lueged schräg
Wills ni nie soöper gseeh hend
Jo und stell dr vor, i han e riese Freud
Ohni Spass ohni Witz i han e riese Freud
Min Weg führt mi witer zume andere Ort
Bis eines Tages Stopp, mis Herz ufhöört schlooht
Aber halt, will mir gönd etz zwiet
Jo für das gell isches eidüütig nonig Ziit
Mach de nögscht halt döt, bim Bänkli und em Baum
Es isch so wunderbar, fühlt sich ah wienen Traum
Und ich danke nomol Gott für de super Tag
Jo genau sonen Tag wies de Tommy Holiday maag

Verse 3:
Jo uf de Stross zum See chömed dMensche a mir verbii
Mit em Lächle im Gsicht segi allne Grüezii
Und ich merk wie das alli aasteckt
Mit Fründlichkeit de Geischt uufweckt
Will es brucht gar nöd viel, chum probiers doch mol
Chasch überhaupt nüt verlüüre, ou ich gang den mol
Es isch scho spoot, und i han no soo viel vor
Mit de Homes am See hänge, chli grille, chille oder eifach umespinne
Mit vollgfressne Ranze brechemer wieder uuf
Laufed im Takt durch dCity und keied nüme druus
dSunne isch leider scho verschwunde hinderm Horizont
Aber das macht nüt Jungs, ja voll gewollt
Jo mir gönd alli hei und mached üs parat
23.30 i de Disco am Start
Mached Scheiki Scheik Scheik jo die ganz Nacht
Und am Morge werdemer schowieder vo de Sunne belaacht

Hook:
All along I need I’m waiting for the sunlight (oh yes, oh yes)
I’m waiting for the sunlight
All along I need I’m waiting for the sunlight (oh yes, oh yes)
I’m waiting for the sunlight
All along I need I’m waiting for the sunlight (oh yes, oh yes)
I’m waiting for the sunlight
All along I need I’m waiting for the sunlight (oh yes, oh yes)
I’m waiting for the sunlight

Kategorien