Lebeslauf

Verse 1:
Tommy Holiday isch wieder mol am Mic
Tauft i de Chile uf de Name Thomas Veit
Ich verzell etz mol die Gschicht au wenns do niemert intressiert
Will denn segi heb si zue, mach en Abgang und gib rueh
Scho de Chli Tommy Holiday kein Maa vo grosse Wort
Lieber eimol dWuche gschisse bismer dScheiss am Hals obe stoht
dJungs wüssed wani mein, han no Videos devo
Aber die lohni lieber do, wöt eu glücklich lebe loh
Und denn isch die Ziet cho woni dWindle abgeh han
Man, isch das schön dWelt us Chinderauge zgseh
Kein Stress alles echt voll cool alles neu
Und de eigne Vorsätz treu

Hook:
Hey was verzellsch du do?
Es isch min Lebeslauf
Aber was meinsch demit?
Es isch min Lebeslauf
Und was hesch du gmacht?
Es isch min Lebeslauf und etz heb si zue und gib endlich rueh

Verse 2:
Mit 6i denn id Schuel, 1 Johr früehner als normal
Und so phenomenal, dFrau vom Schuelpersonal
Frau Rondelli het sie gheisse mini Lehrerin isch sie gsi
Schöni Ohre het sie gha, voluminöös sinds gsii
I de 4te denn zum Andi, Ruedi Rüssel hetmen gnennt
Sehr streng aber nett irgendwie (hahaha)
Ende 5te Klass chunt denn es Meitli zu mir
Froged ganz verlege, ey wötsch du gooh mit mir
Und ich nöd ganz gschnallt wohii denn etz
Noch 3 Mönät het sie mis Herz verletzt
(ooooh) Nai nai isch scho guet, i bin scho drüüber hinweg
Isch au scho recht lang her, 8 Johr insgesamt
00 bis 03 denn id Sek zRomanshorn
Und und und und und e new Era was born
Ich bin langsam en grosse Bueb und ganz schön uf Zack
Und yes döt sinds jo, die erschte Hoor am Sagg

Hook:
Hey was verzellsch du do?
Es isch min Lebeslauf
Aber was meinsch demit?
Es isch min Lebeslauf
Und was hesch du gmacht?
Es isch min Lebeslauf und etz heb si zue und gib endlich rueh
Hey was verzellsch du do?
Es isch min Lebeslauf
Aber was meinsch demit?
Es isch min Lebeslauf
Und was hesch du gmacht?
Es isch min Lebeslauf und etz heb si zue und gib endlich rueh

Verse 3:
Weisch i gang nöd gern id Schuel, es isch würkli nöd de Hit
Aber dSek glich gschafft mitme 4er Durchschnitt
Bin bekannt als Minimalischt, hau nur da wos brucht uf de Tisch
Und schrieb mr sZüüg au nöd uf wenn dStund ume isch
Aber weisch fuule Siech, kei Stell, s10te Schueljohr het gfolgt alles easy gsi
Ha kei Ufzgi gmacht, glich guete Note gha
Second Chance, neu beworbe Mediamatiker bini wore
Und denn hami verliebt in das Giirl, sie isch so bezaubernd gsii
Wunderhübsch und intelligent dezue
Hetti nie denk dasi sie goohloh mue
Müüsli bitte chum zrugg, chum doch zrugg zu mir
Dini Händ sind so weich, so weich wie Kaschmir
Will ich weisses no genau als wörs geschter gsi
So unbeschrieblich schö und überwältigend für mii

Verse 4:
Mit 16 dLehr agfange sogar mit Bruefsmaturität
Chasch ane fetti Fakultät a de Universität
Hend mini Eltere gmeint, aber i voll kei Bogg
Hmm, ne, lieber nööd
Ich bin en gmüetliche Siech, ha kei Bogg uf Stress
Irgendwenn hani Brülle vom Gilbert Gress
Lueg de ganz Tag in PC baue Websiite uf
Das isch nöd guet het mini Mama mol gseit, ufff

Kategorien