Grieff Zu De Sterne

Verse 1:
es git liebi oder hass, rosig oder krass
de Usdruck im Gsicht woni gseh du bisch blass
wenn die ganz Hülle fallt und direkt i di gseh
cha so viel scho passiert sii hoffe cha warm geh
nimm di in Arm oder reiche dr dHand
los zue wa du seisch und teile dis Leid
cha viellicht nöd verstoh doch bliebe bi dir
will geteiltes Leid isch nume halbes Leid
und i weiss Ziite vergönd wie im Flug
doch dSekunde cha lang sii, lang sii verdammt
aber bliebe geduldig und leih dr mis Ohr
bis de Zietpunkt chunt oder bliebe bis morn

Hook:
Hoffe so fescht dases guet chunt für di
grieff zu de Sterne und glaube a di
bliebe geduldig und warte uf mi
de Zietpunkt chunt, für di und mi

Verse 2:
Ich gseh offeni Wunde, versteckt nöd verbunde
zrugg oder weggschobe gosch so zu Grunde
somatisch nöd schlimm, Ziet heilt dini Wunde
meine was anders, die Stimm i dir drin
dini Seel isch am dürste, sehnt sich noch Wasser
gib ihre doch en Halt und hilfe bim wachse
en Bode voller Chraft wod de Grundstei schaffsch
denn blüeht si uuf do und zeigt ihri Frücht
entwickled sich stetig bevor si zerbricht
und alles wo du driistecksch chunt wieder zrugg
iner Art oder Form wo glänzt so wie schmuck
berauschend und metamorphosisch viellicht
verwandleti Seel wo die hemmige bricht
gib alles wo du schaffsch und schaffe a dir
chasch so viel meh erreiche chum zeiges doch mir

Hook:
Hoffe so fescht dases guet chunt für di
grieff zu de Sterne und glaube a di
bliebe geduldig und warte uf mi
de Zietpunkt chunt, für di und mi

Verse 3:
De griff zu de Sterne schient unerreichbar
Ziel sind hochgsteckt überall uf de Welt
du muesch durebiesse, absetze vom Feld
kämpfe für das do streck di noch ufe
kämpf für die Ziel heb de Traum vor dis Aug
mag steinig und schwer sii doch bliebe nu hart
bliebe dr treu und bliebe beharrt
weisch i gspühr do was abgoht und gib drs Bekenntnis
die Wert sind verdrüllt und i gsehs im Verhältnis
bisch ehrlich und nett denn bisch eine vo paarne
versand nöd im Sumpf vo de Tüüfelspirale
beiifuss dis Glück aber stoh für das Wohre
bewahr dis Talent do und wart nöd bis morge
i weiss es isch schwer dases happig cha werde
doch lose uf dis Herz und grieff zu de Sterne

Hook:
Hoffe so fescht dases guet chunt für di
grieff zu de Sterne und glaube a di
bliebe geduldig und warte uf mi
de Zietpunkt chunt, für di und mi