Gedanke

Verse 1:
Stoh verusse und min Blick trifft de Mond und alli Sterne rundum
Bin so völlig fasziniert vo dem Werk do und denn stellt sich mir die Frog
Was macht üs so speziell, was macht üs so speziell
Isch’s de Glaube a Gott und sini Vielfältigkeit
Oder üsi Naivität und die Unwüsseheit
Will mir hend sPrivileg über sii und nöd sii zentscheide drüber zrichte
Und wer het üs das Recht geh (wer het üs das Recht geh)
Und mir sind die wo über dExistenz vo üsem eige sii noordenke chönd
Und ich weiss nöd aber glaube chum dases Tier git über sLebe noordenkt
Das sind mir wo die Goob hend (das sind mir wo die Goob hend)
Ich bi verwirrt, hoffe nöd dass du dich i dere Welt verirrsch
Es isch nüme eifach, nüme so eifach wies no früener gsi isch weisch
Du und ich sind komplexi System mittedrin i dere mengmol paradoxe Welt
Und ich han mich oft gfrogt wo chunt das alles her, wer het das alles gmacht
Und wo gömmer hi nochdem mir dWelt verlönd
Es sind Froge um Froge und vieli glaubed zwüsse, keine weiss mit Sicherheit
Und irgendwie, irgendwie machts mir Angscht i ha kein Halt
Kei feschts Fundament under mine Füess
Nume agmacht a de Händ mit silbrige Fäde
So viel goldigi Sätz us de heilige Schrift
Überliefert durch Mensche wo alles ufgscrhiebe hend
Ich bewundere das, die Treui vo dem Volk über Johr Tusig sind sie do gsi
Jo und er für sie und ich glaube daser gad i dem Moment bi mir isch
Sini Engel für mi do sind und die, die Geborgeheit und die Wärmi woni han
Frogmi gad i dem Moment obi das Verdient han
sLebe isch nöd fair wills mir so guet got und i gar nüt defür gmacht han
Versuech en guete Mensch sii, verletze glich so viel Lüüt
Und ohni dasis wöt liedet Mitmensche drunder
Und ich bitte um Vergebig, hoffe dass sie mir vergebed
Und ich lebe i dem Traum oder Wahnvorstellig dases Friede git uf Erde
sLebe ohni Angscht vorem sterbe
Und ich weiss nödmol wieso ich de Text do verfass
Wöt Mensche erreiche, sie zum noordenke zwinge
Mit em Sound es Ohr finde wo no zuelost uf Ziele und verbliebe
Bis ich mich verlieb i die Traumfrau
Wo vilicht irgendwo do dusse wartet uf mi
Oder wart ich immer no uf sii?!