Früehligsgroove

Verse 1:
Fühlsch de Rhytmus im Bluet sisch en Dorfrevier Beat
Direkt usem Herz nur für dich und mich
Mir freued üs do zsii, cool dass de Track ghörsch
Macht immer meh spass Musig lebe und liebe
Zu dem Beat schriebi Text wienen Reisebericht
Und au Krankheit i dir hört uf dumm tue
Will sie ghört de Beat und fangt a tanze mit dir
Ok, also stoh mit mir uf und beweg dini Hüft
Klatsch vo mir us id Händ, jo genau so, jo genau so, jo genau so
Ok, Ok, also wieter im Text dörfi bekannt mache
Dorfrevier isch am Start, lieber Musig für dSeel als Platz 1 i de Charts
Au Revoir Motzart, DJ Gunzi isch do
Vo sim Chopf ad Finger über Taschte zu de Boxe
Und dMelodie verzaubert dii yes und dMelodie verzaubert dii
Und ich bi denn dä wo de Text is Hirn brätscht
Schriebe Strofe um Strofe jede Tag jedi Nacht
Au de Big Homie Jimboo stets mit debii voller Tatedrang
Mir mached Musig zum Spass mit Liebi zur Sach
Und alles nur für eu

Hook:
Früehligsgroove wieten nie ghört hesch
Pass uf spitz dOhre losmer zue nur jetz
Will de Track weckt di uf und bringt dir Glück für Hüt
Also denk positiv und getrau di doch was

Verse 2:
Ok wart mol schnell Gitarre setzt ii
dSunne strahlt am Himmel, jo so mues es sii
Willkomme Früehlig Summer ciao Winterdepression
Freu mi uf die Ziet mit BMX und Badtuech
Sneakers über’d Fuess und obe ohni cruise
Am Obed go tschute bi 20 Grad im Schatte
Wennt nöd weisch wa mache gosch in Teich go plantsche
Jo genau döt wo de Bodesee am gröschte isch, aaaah
Ma Mann isch das fresh, Ma Mann isch das cool
sWasser tropft a mir dürab, dSunne beamts wieder weg
Und alles wani wett isches Bier und e Decki
I gang i deckig, i bruch e Pause, i mue schnell usschnuufe
Will i ha bald kei Luft und ich frog mich wieso
Das passiert mir sus nöd, weisch du wieso?

“Jo viellicht en Schmetterling oder so?!”

Schmetterling im Buchs? Jo man shit das chas sii
Jo will Sport mach i gnueg, wege dem chas nöd sii
Und ich weiss tönt chli kitschig “Schmetterling und Früehlig”
Aber shit man es isch so, i bi schwer verliebt
Nei nöd ines Girl sondern i HipHop, yeah das isch mini Musig
Dir ghört mini Liebi und das isch au ein, vo zwei Gründ
Dasi do de Text schrieb will HipHop mir scho so viel geh het
Denki langsam dra mini Schulde zbegliche
Und obwohl i nöd de Bescht bi, gibi stets mis Bescht
Setz dMesslatte hoch, erwarte was vo mir
Und ich weiss HipHop isch es grosses Kapitel
Üsen Fokus liet uf Text mit Sinn, Rhytmus, Style und harmonischi Beats
Das isch Dorfrevier, Musig für dii us üsem Quartier

Hook:
Früehligsgroove wieten nie ghört hesch
Danke dir das du zueglosed hesch
Track macht spass mached wieter soo
Das isch Dorfrevier yes mir bliebed soo