Dorfrevier (Part 1)

Verse 1:
Wiedermol im Zug, i bi nöd dehai
Luege usem Fenster und denk a die Ziit
Womer mitenand verbrocht hend
Alli Blueme bloogt hend
Dusse vor dim Huus dur dWiese grennt siind

Hook:
Streichkönig simmer gsi vo chli uuf
Tag für Tag nur Puff gha mit de Lüüt vo nebedraa
Mir hends immer luschtig gha, trotz em Zämäschiss vo de Parents
Stehts fürenand do gsi, Ruckedeckig geh und no viel meeh
Gell Homies, ja, mir sind de Killer gsi in Romanshorner City
Au Hüt no bitte, mit de BMXlee

Verse 2:
Wüsseder no döt womer id Halle gstiege sind
Über dLeitere zum Dach, dur dRöhre und de Gang
Und umegschliche sind dur Garderobene
Dunkel isches gsi i dere Nacht
Und sEinzig Liecht wos gha het isch de Cola-Automat gsi
So rot liecht schimmernd i dem Gang
Simmer gloffe richtig Halle, Matte gholt und gumped
Umetoobt und blöd tue, Hoomies
Werds nie vergesse womer usegloffe sind
Frogt de Jimboo was isch das, plötzlich Panik und Angscht
Es sind die Securitaas wo öbis ghört hend vo üs
Aber üs nöd verwütscht hend will mr ZackiZack devoo sind
Und Ahaha glacht hend, i weiss no genau am Raffi sini Schnauze
Am Dani sini Auge und de Rugge vom Philipp
Ja du bisch immer de schnellscht gsi bi so Sache wie daas
Und so Sache vergiss i niiee

Verse 3:
Kollege sind cho und Kollege sind gange
dFründin isch cho, jo und dFründin isch gange
Aber Dorfrevier, mir vier vom Quartier
Stets fürenand und mitenand underwegs
Üsi Fründschaft, wie Bluetsbrüederschaft
Durch niemert und nüt, lömmer üüs ufhalte
Will mir eifach tight sind, ohni Droge high sind
Eifach cool sind, und dHose nöd am Arsch
Sondern dEier i de Hose hend
Was nöd heisse söll, dasmer Schwanzgstüüred sind
Nei, so simmer nöd Babe
Losmer doch mol zue wenni do de Text verfass
Mir sind Gentlemen, wie de Richard bi Pritty Woman
Aber hey, aber hey, aber heya
Mir sind Gentlemen, jo mir sind Gentlemen
Aber hey, aber hey, aber hey, aber heyyy

Verse 4:
Chas chum glaube wasmer alles zämä gmacht hend
Und es isch so fett mit eu a miner Siite
jimboo, Gunzi, Phil und dHomies
Ihr sind so nice Jungs, jo ohni Scheiss
Ihr sind unbezahlbar wie de Weg zum Himmel
I hoff mir chönd zämä wachse bismer alt und grau sind
Doch das chan no warte bsimer dSach do gmacht hend
Das isch ersch de erschti Teil vo de Gschicht womer schriebed
Dorfrevier mir bliebed dJungs vom Quartier
Mir vier hend Zämähalt wie dMusketier
Mir springed fürenand und kämpfed mitenand
Aber hey, aber hey, aber heya
Mir sind Musketier, mir sind Musketier
Aber hey, aber hey, aber hey, aber heyyy

Kategorien