Danke

Verse 1:
Hey Jasmin wöt dr nuno danke sege
Für di wunderschönschte Johr i mim ganze Lebe
Wo ich han dörfe mit dir verbringe
Hey es chunt mr vor als wörs geschter gsi
Du und ich bi mir dehai
I dere klare Nacht nochem Früehligsball
Simmer ghocked mitenand, mit em Rugge zur Wand
Beidi ganz schüüch und vorsichtig gsii
Irgendwenn hesch di endlich getraut
Alle Muet gfasst, all dini Ängscht abgleit und gseit
Hey Thomas glaub bin verliebt i dich
Und ich voll paff, kein Ton usebrocht
Überwältigt, vo dere Situation
Unglaublichs, Gfühl i mir
Hey Jasmin, lieb di immer no
Hey Jasmin, wöt dr nuno danke sege

Hook:
Danke sege, für die Liebi zu mir
Danke sege, für die Täg mit dir
Danke sege, für die wundervoll Art woni Chraft tankt han jede Tag vo dir
Wöt dr danke sege, für Bekanntschaft mit ihm
Danke sege, dassd mi gnoh hesch wieni bin
Danke sege, für das chlopfende Herz wo Gfühl uslööst wie de Früehlig im März

Verse 2:
Danke was du alles geh hesch für mi
So viel schlecht gloffe, doch Hoffnig debii
Nacht vo de Träne mit harte Wort
Tüüfi Gspröch bis de Mond wieder got
Meischtens denn de Versöhnigskuss
dNarbe bliebed aber trotzdem am Schluss
Und i ha gwüsst Babe dass du bliebsch bi mir
Jedefalls im Herz hesch de Platz bi mir
Doch leider schients so, dass sich dWeg trennt hend
dWolke hend brüellt am besagte Tag
Jede Tag isch e Qual gsi, Nacht für Nacht
Hani gwartet uf das Zeiche wo dr Tüür ufmacht
Wills mi gfreut het, die spoote Bsüech
Und ich’s gliebt han, die Küss vo diir
Hey Jasmin, lieb di immer no
Hey Jasmin, wöt dr nuno danke sege

Hook:
Danke sege, für das Lache vo dir
Danke sege, für Geduld mit mir
Danke sege, dasi dich chan in Arm neh und Ziit ahalte als obs nöd druffah chäm
Wöt dr danke sege, für die Gschenk vo dir
Danke sege, für die Wärmi vo dir
Danke sege, dasi din Schatz gsi bin und zwei Johr lang a diner Siete gsi bin

Verse 3:
Danke Babe wa du mir zeigt hesch
Ha glernt umzgoh mit de ganze Problem
Glernt zuelose wenns dr nöd so guet goht
Dank dir erfahre wa Liebe würkli heisst
Gfühl kenneglernt, wod muesch erlebt ha
Moment erlebt, woni hüt no denk dra
Giirl, bisch di erscht gross Liebi
Das wirsch immer sii, ohni di das gäng nie
Aber Babe, mini Liebi zu dir het sich gändert bis etz
Verblasst vo de Ziit, brüchigi Teil bliebed stoh i mim Herz
Widerstönd, dem wüetende Fluss, wo alles mitriisst wo no bliebt
Vo dem stechende Schmerz, ich bin dankbar defür die Erfahrig so viel Wert isch
Danke viel mol Babe, Danke viel mol, ich dank dr viel mol

Hook:
Danke viel mol, für die Liebi zu mir
Danke viel mol, für die Täg mit dir
Danke viel mol, für die wundervoll Art woni Chraft tankt han jede Tag vo dir
Jo Babe danke viel mol, für Bekanntschaft mit ihm
Danke viel mol, dassd mi gnoh hesch wieni bin
Danke viel mol, für das chlopfende Herz wo Gfühl uslööst wie de Früehlig im März
Danke viel mol, für das Lache vo dir
Danke viel mol, für Geduld mit mir
Danke viel mol, dasi dich chan in Arm neh und Ziit ahalte als obs nöd druffah chäm
Danke viel mol, für die Gschenk vo dir
Danke viel mol, für die Wärmi vo dir
Danke viel mol, dasi din Schatz gsi bin und zwei Johr lang a diner Siete gsi bin